Hola!

Vandaag is alweer ozze letste daag in Colombia, want vanaovend vleege we weer truuk naor Nederland.
We hoofde pas um 12 aor oet te checke, dus vanmorge hebbe we röstig aan ozze backpacks ingepak, en hebbe we nog efkes lekker gezwomme in ut zwumbad. Daornao zien we gaon lunche heej in de wiek. We hadde ut qua geld super good oetgekiend, en hadde bijna niks mier euver. Maar helaas kosse in ut restaurantje neet pinne, dus meus Jeroen toch nog un kier naor de pinautomaat... Jammer, maar ach, niks aan te doon.

Nao de lunch kreeg ik inens huule heftige boekpien. Dae is ouk nimmer weggegaon de res van de daag. Met boekpien en misselijk dus maar richting ut vleegveld. We deilde de Uber met ein ander Nederlands maedje die dezelfde vluch had as weej. Ut inchecke en alles verleep veurspoedig, dus al snel koste we gaon boarde.
Ondanks ein minder prettig einde van de reis, hebbe we allebei ontzettend genaote van ozze roadtrip door Colombia. Waat ein prachtig land, vrintelijke bevolking en lekker aete. Weej kinne ut idderein aanbevele!

Haije en tot de volgende reis!

Geschreven door Mayke.geniet