Hola!

Vanmorge zien we nao ein zweiterige nach met weinig slaop in de tent wakker gewaore in ut Tayrona National Park. We hebbe beej ut restaurant ontbete, en hebbe ozze spulle gepak um de route van gister weer truuk te laupe.

Ut ierste deil van de route waas heerlijk röstig, umdet dr nog gen toeriste in ut park zien zoe vruug. We zooge rond de strande huul vuul krabbe, en hebbe ouk weer ein capibara gezeen! Daornaeve net as gister vuul verschillende gekleurde salamanders, maar helaas gen krokodillen (of iets wat dr op leek) in de lagunes.

Ut twieëde deil van de toch kwame we steeds mier minse taege. De kins merke det vandaag ein weekenddaag is, want ut is vuul drökker as gister! Uiteraard waas ut vandaag ouk weer snikheit en vochtig, dus toen we onderwaeg ein verkauper taege kwame met ieskes, hebbe we heej ein lekker kald wateriës genaome.

Truuk beej de ingang van de route hebbe we weer ein busje genaome richting de hoofdingang van ut park, en vanoet daor zien we truuk naor de ecolodge gelaupe. Nao ein neet zoe verfrissende douche (allein heit water), hebbe we ein duik genaome in os neet zoe verfrissende zwumbad (ouk werm water...). De res van de daag hebbe we lekker gechilld aan ut zwumbad en eigelijk neet ech iets biezonders gedaon. 'S aoves lekker gegaete in ut restaurant, spelkes gedaon en nog efkes gepooled. Ein lekkere daag!

Geschreven door Mayke.geniet