Hola!

Vanmorge ging um 5 aor de wekker, want we meuste os um 6 aor melde in ut dörp veur de vogelspot-tour dae we hebbe geboek. We krege allemaol ein verrekieker, en toen ginge we met ein man of 8 met de gids op paad. De gids waas ein leuke man, met ein echte passie veur vogels en natuur. Hae duit al bijna 50 jaor aan vogelspotte, en beej elke vogel dae we zooge waas hae aeve enthousiast. In ut dörp wees hae os op ein leguaan baove in ein baum. Groet vonde we! Maar volges um waas ut maar ein kleintje. We hebbe helaas gen toekans mier gespot, maar wal allerlei andere vogels waorvan we de name neet koste onthalde. En pfoeh wat is ut lastig um die good op de foto te kriege! Maar ut waas weer ein leuke tour.

De res van de morge en begin van de middaag hebbe we heerlijk gerelaxed beej de ecolodge. Op ut ind van de middaag zien we naor Casa Loma gelaupe. We hadde gelaeze det ze heej good de zonsondergang kos zeen. De waeg dr naortoe waas natuurlijk weer bergop met vuuuul trappe. De hike van gister koste we nog good veule in ozze bein, en lichtelijk euververhit kwame we aan beej ut platform waor se de zonsondergang kos kieke. Ein erg leuke plek, met benkskes, kleine taofelkes en kussens, en dr waas zelfs ein dj! Onder ut genot van ein lekker kald pilske hebbe we gekeke naor de moeie zonsondergang. Daornao nog gegaete beej ein Libanees restaurant, misschien wal ein van de beste maaltijden die we heej gehad hebbe!

Geschreven door Mayke.geniet