Hola!

Vandaag waas ein röstige daag. We hebbe vanmorge lekker in ut hostel gechilld, en in de middaag zien we pas op paad gegaon. Iers richting ut dörp um daor bruêdjes te haole as lunch. Vervolges hebbe we ein korte hike gedaon. De bedoeling waas eigelijk um met de lokale kabelbaan te neme naor de euverkant, maar toen Jeroen deze zoog sloog de hoëgtevrees toe, en zien we toch maar um gelaupe. Al snel kwame we aan beej de andere kant, waor se ein moei oetzich hads op ut dörp. Onderwaeg kwame we ouk beej ein leuk huuske met allemaol bloome en fruitbomen in de tuin. Daor taegeneuver zoot ein alde man met de hand mande te vlechte. Vaerder kwame we nog langs ein rivier en 2 watervalle, maar deze veele ein bietje taege.

Truuk in ut dörp hebbe we lekker ein biertje gedronke. De planning waas um eigelijk ouk nog ein andere korte hike te gaon doon, naor ein punt waorse moei de zonsondergang kos zeen. Maar helaas. Ut begos te onwere, en wat ein harde knalle! We zien snel beej ut cafeetje naor binne gegaon, waor we ech tusse de locals nog wat biertjes hebbe gedronke. Naeve os zoot ein groepje Colombiaanse manne aan ein speciaal taofelke te kaarte. Ut taofelke had speciale laatjes waor ze eur gewonne geld in koste beware!

In de aovend hebbe we lekker gegaete en zien we weer met de tuktuk naor ut hostel gereeje. Ein röstige daag dus!

Geschreven door Mayke.geniet