Hola!

Zoeas ik gister al schreef hebbe we vanach de nachbus van Bogota naor Salento genaome. Det veel toch wal taege. We ware allebei bes muug nao de volle daag van gister, dus hadde verwach det we bes prima koste slaope in de bus. Maar helaas. Toen we wegreeje woort dr ein film opgezatte, op ein volume standje 100. Niks slaope dus. Nao diek 2 aor waas de film eindelijk aafgelaupe, maar ouk toen hebbe we neet mier vuul geslaope. Ut waas ouk super kald in de bus, neet zoe fijn! Rond 7 aor kwame we aan in Armenia, waor we vervolges ein lokale bus naor Salento hebbe gepak.

Hielemaol kapot kwame we rond 9 aor aan beej ut hostel, waor ozze kamer natuurlijk nog neet klaor waas. Gelökkig koste we daor wal ontbijte, en daornao relaxe in ein hangmat in de tuin. Ut hostel is ech super leuk, met moei oetzich op de berg en ein heerlijke tuin! Salento is zoe wie zoe gans anders as Bogota. Vuul röstiger, umrink door berg en met vuul gekleurde huuskes.

In de middaag veulde we os weer ein bietje opgelade, en hebbe we ein koffie tour beej ein van de koffieboerderieë gedaon. Ozze gids, Anthony, vertelde euver ut ganse proces van ut plante van ein koffieboon tot aan de ierste plökke koffiebonen. Vervolges were ze gefermenteerd, wat weer op verschillende maniere kin. Ouk dit haet weer invloed op de smaak van de koffie. Vervolges were ze gedruug en gebrand. Volges Anthony is medium roast ut beste, want dan komme de verschillende smake en aroma’s van de koffie ut beste tot eur recht. We mochte zelf ein paar koffiebonen plökke, en op ut ind krege we uiteraard ouk nog ein kopje koffie um te preuve. Huul anders as de koffie dae weej zelf gewind zien. Vuul zaorder, en minder bitter. Weej halde zelf toch wat mier van ein sterke dark roast :).

‘S aoves hebbe we nog lekker in ut stadje wat gegaete, en daornao lekker naor bed!

Geschreven door Mayke.geniet