Hola!

Daor isse dan, ut ierste reisblog euver Colombia!
Vanmorge woorte we um 5 aor door Henk en Henny opgehaold um naor Schiphol te gaon. Ut inchecke ging snel, en ouk beej de douane ware we snel klaor. Helaas kwame we dr toen we beej de gate kwame achter det de vluch ein aor vertraging had. Maar ach, we hadde toch alle tied!

De vluch zelf verleep prima, met aaf en toe ein bietje turbulentie. Einmaal aangekomme op ut vleegveld van Bogota ging alles eigelijk ouk huul snel. En gelökkig zien ouk allebei ozze backpacks netjes aangekomme deze kier! We hadde via ut hostel waor we verblieve ein taxi geregeld, en zoeas aafgespraoke stond ozze groete (kleine) vrind Carlos al netjes op os te wachte, super fijn!
We verblieve in Granada Hostel. Van boete liek ut huul klein, maar ut is bes wal groet en erg gezellig gemak. Nao os greij weg te hebbe gelag zien we de wiek waor ut hostel leet, La Candelaria, ingegaon op zeuk naor ein bank. Det waas nogal ein avontuur want euveral waor we kwame waas de bank dich. Oetintelik bleek det dr gewoen pinautomate zien in de supermert 200 maeter van os hostel vandaan... Maar toch hebbe we al ein gooije ierste indruk kinne kriege van de wiek!

‘S aoves hebbe we heerlijk gegaete beej Origen, en de vakantie ingeluid met ein tinto de verano en ein ech Colombiaans biertje. Noow lekker naor bed, want we zien kapot door die 7 aor tiedsverschil!

Geschreven door Mayke.geniet