Hallo!

Vanmorge hebbe we lekker röstig ontbete op os fijne balkon. Daornao hebbe we ozze spulle gepak en hebbe we Ronda verlaote. Op naor de letste bestumming Benalmadena. Ein plaatsje aan de kust, zoedet we de letste paar daag van os vakantie lekker kinne oetröste. Ouk dit waas weer ein prachtige route um te rieje. Tiedes ozze autoritte hebbe weej trouwes ein leuke podcast geluusterd: de brand in het landhuis, van de NTR en NPO radio 1. Ein echte aanrader!

Beej aankomst in ut plaatsje koste we metein al merke det dit huul anders is as de andere plaatse die we hebbe bezoch. Allemaol groete appartementecomplexe, vuul minder moei, charmant en authentiek, volledig gerich op toeriste. Veural Engelse toeriste!

Beej ut appartement were we opgewach door de eigenare. Ein super aardig en enthousiast Engels echtpaar. Ut is ein net appartement, met groet balkon met oetzich op ut zwumbad en de zee.
We hebbe eigelijk vaerder neet vuul gedaon vandaag. We hebbe gewoen lekker op ut balkon wat gelaeze, en op ut ind van de daag lekker aan ut zwumbad gelaege.

Ouk aan de aetgelegenheden kinse merke det ut vuul toeristischer is as de stede waor we ierder ware. Vuul irish pubs, en restaurants met schrieuwerige borde. Toch hebbe we ein leuk restaurantje gevonde via tripadvisor, waor we ouk lekker hebbe gegaete (Asador malbec wine club).
Ut waas ein fijne daag!

Geschreven door Mayke.geniet