Hallo!

Vanmorge zien we op tied opgestaon, want um half 9 woorte we door ein taxi opgehaold um naor ut Alhambra te gaon. Ut Alhambra is ein ald fort/paleis waor Granada bekind um steit. Ut besteit oet verschillende onderdeile. We hadde dr ein audio-tour beej geboek, zoedet we ouk wat meer informatie zoue kriege euver alle gebouwe en de geschiedenis.
As ierste hebbe we de Nasriden-paleizen bezoch. Werkelijk prachtig! Allemaol moeie mozaïken, binnenplaatsen, koepels en versieringen. Daornao hebbe we ut Alcazaba, ut fort, bezoch en op ut ind de prachtige tuine van Generalife.
Ouk in dit ganse complex wuurd alles zoe good onderhalde! Ut is moeilijk um te beschrieve hoe biezonder ut Alhambra is. De mos ut gewoen in ut ech gezeen hebbe!

Nao os bezeuk aan ut Alhambra zien we truuk richting de stad gelaupe en zien we op ein terrasje gaon zitte. Ein pilsje hadde we wal verdeend, en ut waas inmiddels good werm gewaore!
Vervolges zien we nog daor de smaale straotjes an Granada naor ein oetzichpunt gelaupe. Ut waas ein flinke toch umhoëg in de hitte, maar vanoet heej kosse ut ganse Alhambra complex moei zeen.

‘S aoves hebbe we heerlijk gegaete beej La Taberna de Kafka. As se oeit naor Granada geis is dit ein absolute aanrader. Gank wal op tied, want ut is ech maar huul klein. De mos dich dr eigelijk mier ein klein broen café beej veurstelle, met ongevier 7 taofelkes. Ze hebbe vuul verschillende, en lekkere wien, waor ze ouk good euver kinne advisere. Ouk heej kriegse beej elk drankje ein gratis tapas. Daor naeve hebbe we nog ein portie nachos besteld. Alles waas super lekker, de bedeening super good en vrintelijk, we zoote tusse allein maar locals en hebbe ein super leuke aovend gehad!!!

Geschreven door Mayke.geniet