Hallo!

Vandaag waas dan ozze ierste volle daag in Malaga. Vanmorge hebbe we iers baodschappe gedaon en lekker ontbete in ut apartement. Vlakbeej zit ein leuk koffie/ontbijt/lunch zaakje, dus daor hebbe we lekker ein groete cappucino gedronke.

Daornao op waeg ech de stad in. We hebbe ein stadswandeling gelaupe en zien langs de groetste bezeenswaardighede gekomme. We zien langs de Alcazaba umhoeg gelaupe naor ein oetzichspunt. Ut waas steil en werm, maar zeker de meuite weerd.

Ut restaurant van vandaag hebbe we oetgezoch op basis van Tripadvisor-reviews. Ein leuk restaurantje aan ein super moei plein. We vonde ut maar gek det we dit stök neet tiedes de wandeling hebbe gezeen, want ut is heej ouk nog huul leuk!

Nao ut aete woue we nog urges gaon zitte um de chamions league finale te kieke. Maar de rooijs ut al... euveral waor det aan stond zoot ut hielemaol vol. Toch nog urges op ein ein plekje kinne bemachtige, maar zonder de wedstrijd te kinne zeen. Desondanks was ut dudelijk te hure det Madrid scoorde en gewonne haet :).

Vandaag hebbe we gelökkig ouk os derde koffertje truuk gekrege!

Geschreven door Mayke.geniet