Hallo hallo!

Eindelijk is ut dan zoë wied. De ierste echte rondreis met os twieë. Vanmorge hebbe we thoes nog röstig ozze koffers ingepak, want we vlooge pas ind van de middaag vanaaf Eindhoven. Op ut letste moment beslote we um toch ein extra koffertje mei te neme, zoedet we allebei ein paar extra schoon mei koste neme. Hadde we det maar neet gedaon... maar daoreuver later mier.

Good aangekomme op ut vleegveld in Eindhoven. Ut inchecke van de bagage ging zonder probleme, en ouk beej de handbagage-check ging alles redelijk veurspoedig.
Nao ein tiedje koste we boarden. Daor zoote we dan, klaor veur vertrek! Helaas vertrok ut vleegtuug oetintelik later as gepland. Ouk heej in Eindhoven kampe ze bliekbaar met personeelstekorte.

Ein paar aor later kwame we aan op Malaga airport. Beej de bagagebande kwame ozze twie groete koffers al snel aangerold. Ut kleine, op ut lets ingepakte koffertje kwaam maar neet. De band stopte, en same met wat andere minse die ouk bagage miste leepe we naor de balie. Dr kwaam nog mier krege we te hure. Nao nog zeker ein half aor gewach te hebbe, stond de band nog steeds stil. De bagage stond nog in Eindhoven! Morge kump ut met ein andere vluch mei, en were we gebeld.

We hebbe snel de heurauto opgehaold. Prima auto. Eine dae we kinne: seat ibiza! Snel op waeg naor ut appartement, want we hadde inmiddels wal flinke honger. Ut vinde van ein parkeergarage waas nogal ein gedoe. Euveral drukke smalle straote, en de parkeergarage waor we oet kwame waas vol. Gelökkig ein stökske vaerder toch wat gevonde.
Beej ut appartement waorte we opgewach daor de verheurder. Ein aardige man dae os ouk metein de waeg wees richting de restaurants. Ut appartement is netjes en huul ruum. Ut leet in ein leuke wiek. Vlakbeej restaurantjes en winkels, maar oet de drukte.

We leepe langs ein klein restaurantje waor vuul spanjaarden zoote. Dr waas nog 1 taofel vreej, dus daor zien we snel gaon zitte. Ut waas ein drökte van jewelste, ein kakofonie van praotende minse, aan de maor euveral gekke spulle die te make hebbe met Semana Santa, en op de tv woort ein processie aafgespeuld. Ech ein belaefenis um heej te aete!

Ein lange, geslaagde ierste daag!

Geschreven door Mayke.geniet