Hallo hallo,

Vanmorge heerlijk wakker gewaore met ein prachtig oetzich. Lekker ontbete en toen de auto in.
Onderwaeg ein prachtige route langs riesvelde en andere plantages. Op ein gegaeve moment stopte de chauffeur en mochte we oetstappe. Heej hadde we ein fantastisch oetzich euver de riesvelde. Ut is totaal neet te beschrieve, en ouk op foto’s kinse neet vaslegge wie oetgestrek en wie moei ut heej is.

We reeje door naor de Pura Penataran Agung Lempuyang, ein tempel dae ouk wal bekind steit als de hemelpoort.
We meuste ein sarong um, um ozze bein te bedekke en mochte naor baove. Iers kwame we op ein punt waorse ein moei oetzich hads op de Agung vulkaan.
Toen we vaerder naor baove leepe kwame we oetintelijk beej de tempel aan. Waat waas ut heej drök zeg!!
De ‘hemelpoort’ is ein moeie plaats um foto’s te make, want ouk vanoet heej hesse oetzich op de Agung. Ein echte toeristische trekpleister... det waas te merke, want de wachttied um op dit punt op de foto te kinne waas maar leefs 4 aor. 4 AOR. En dr ware nog steeds minse die achteraan in de riej aansloote. Veur de duedelijkheid: weej neet!

We verlete de tempel en reeje vaerder naor Tirta Gangga. Ein waterpaleis. Gelukkig stelde deze os neet zoe teleur as ut waterpaleis in Yogyakarta. Ut waas drök, maar wal erg moei!

Smiddaags hebbe we lekker beej ut hotel aan ut zwumbad gelaege en gerelaxed.
Saoves ginge we aete beej ein warung dae pap en mam hadde oetgekaoze op basis van recensies. Toen we aankwame dachte Sjuulke en ik: gaon we heej aete?! Ut waar ein simpele warung, neet ech gezellig of sfeervol. Maar ut aete waas heerlijk! Misschien wal ein van ut beste aete waat we tot noow toe hebbe gehad!

Geschreven door Mayke.geniet