Gooijendaag!

Vandaag zien we gaon fietse. Gelukkig neet in de stad, want heej in Yogya is ontzettend vuul verkier. De chauffeur haolde os vanmorge rond 7 aor op, en ein tiedje later ware we boete de stad. We reeje ein klein dörpke in: heej zoue we gaon fietse.

We woorte begeleid daor Irma, ein lokale gids die werkt beej familiebedrief Towilfiets. Dr stond al ein ganse riej fietse klaor. Allemaol oma- en opafietsen die dr op ut ierste gezich ein bietje krakkemikkig oetzoge, maar ut prima deeje.

We fietse door ut dörp, ut spoor euver, en al gauw woorte we umringd daor greune riesvelde: prachtig! Euveral ware minse aan ut werk, want ut is noow oogstseizoen. Aan de ziekante van de waeg looge euveral zeilen met ries dr op um te druge. Zelf mochte we ouk efkes helpe!
Vuul van ut werk op ut land wuurd met de hand gedaon heej, en ut zuut dr oet as zwaor werk. Toch kwame we ouk langs ein alde man van 87 (!) dae nog gewoen op ut land aan ut oogsten waas same met zien vrouw. Biezonder!!!

We fietste vaerder en kwame beej ein mevrouw oet die met sojaboene bezig waas. Irma loog os vanalles oet euver ut werk en de producte die heej zoeal verbouwd waere. We mochte kokoswater probere. De mevrouw pakte ein lange bamboe-stok met daoraan ein mets, en sloog zoe 2 kokosnoten oet de baum. Helaas vele ze allebei kapot, waordoor ut water dr al oetstruimde veurdet we koste preuve. Wal koste we de kokos dae dr in zoot probere: erg lekker, huul anders as bounty!

We kwame nog langs ein mevrouw die aan ut weven waas. Heej kreeg ik traditionele kleier aangetrokke, leuk veur de foto. We ginge vaerder en kwame beej ein familiebedrief waor ze Ketupat make. Dit is ein soort veerkant pakketje gemak van bananenblaaijer waor vervolges ries in wuurd gedaon. Deze Ketupats zien belangrijke symbolen veur ut Suikerfeest, vertelde Irma os.

Veurdet we truuk fietste naor un beginpunt kwame we nog langs ein mevrouwtje die tempé mak. Leuk um te zeen wie det proces werk, van sojaboon tot tempé.
Beej truukkomst op ut beginpunt krege we ein lekker kopje koffie en gefrituurde banaan (dit vinde pap en ik neet zoe lekker...). Als gastenboek mochte we ein moeie teikening of tekst maken in ein groet schetsbook, zeen beej de foto ozze creatie! :)

In de middaag zien we weer naor de Jalan Prawirotaman gegaon, waor we iers hebbe rondgelaupe en beej Playon lekkere iëskoffie hebbe gedronke. Vervolges lekker geluncht beej Viavia (waas gister zoe good bevalle!).

Mam, Sjuulke en ik hebbe vandaag ein traditionele Javaanse massage genaome van 60 minute beej ut hotel. Heerlijk! Wal erg dubbel um dan te hure det de masseuse zelf maar 10% krieg van wat de massage eigelijk kost, en det is al neet vuul...
Daornao zien we weer beej Canting gaon aete, want dit waas zoe good bevalle iergister. En dit kier hadde we allemaol de lava-cake.
JAMMIEEEEEEEE

Geschreven door Mayke.geniet