Goooijendaag!

Vandaag waas ein erg super leuke daag.
Vanmorge zien we as ierse naor de Gunung Tangkuban Perahu gewaes, ein nog actieve vulkaan vlak beej Bandung. De letste oetbarsting van deze vulkaan waas in 2013. De groete krater daese kins zeen waas moei, maar ut waas heej ouk erg toeristisch. Same met ein lokale gids zien we umlieg gegaon naor ein andere krater. Ein moei tochtje door de bosse, waorbeej de gids vanalles vertelde.
In de krater ware allemaol poeltjes met water van verschillende temperature. Door de zwavel rook ut heej neet zoe lekker! Ik had mich un vulkaan totaal anders veurgesteld, mier zoe asse in teikenfilms zuus haha.

Vervolges zien we truuk gelaupe naor ut busje. Ut waas bes werm, dus gelukkig koste we de airco in! We zien toen naor ein theeplantage vaerderop gereje. Waat ein contrast: de grieze, grauwe krater en dan noow inens zo’n hule greune umgaeving.

We zien daornao naor ut Intercontinental hotel gereje, ut hotel waor Pascal werk. Wauw waat hesse vanoet heej ein prachtig oetzich op de stad!!

In de middaag zien we naor ein veurstelling gewaes van ein Angklung-schoel. Dit waas ein soort muziekschoeltje waor de lierlinge traditionele instrumenten liere bespeule, waoronder de Angklung. Ein Angklung is ein instrument gemak van bamboe. De veurstelling waas erg leuk, veural umdet dr ouk jonge kinder meideeje, en we vervolges zelf lierde hoe de Angklung bespeuld mot were.

‘S aoves hebbe we ozze koffers aan de chauffeur motte aafgaeve, want dae ried vannach met ut busje richting de Borobudur, waor weej morge met de trein heer gaon.

Al met al ein top daag!

Geschreven door Mayke.geniet