Hallo hallo!

Vanmorge zien we op tied truuk gereje naor ut vleegveld van Medan. Vanoet heej vlooge we naor un vleegveld in de buurt van Bandung. Ut vleegtuug had helaas wat vertraging, en we ware al vuul te vruug daor, dus we hebbe ein tied motte wachte.
Einmaol aangekomme op ut vleegveld beej Bandung stond ozze volgende chauffeur, Wahyu, os al op te wachte.
Vanoet ut vleegveld waas ut nog ein rit van ongevier 3 aor naor ut hotel.

Waat os opveel is det Java totaal anders is as Sumatra. Ten ierste zien de waege heej ein stuk baeter. Ze hebbe heej op Java zelfs ein snelwaeg! Ouk ut verkier is vuul minder chaotisch as op Sumatra. Ut is nog steeds druk, met in de stad vuul scooters, maar alles liek heej wat mier georganiseerd.
Ouk de huus heej zeen dr vuul baeter oet. Heej zuuse haos gen hutjes van golfplaten, maar ech huus met ein daakpanne-daak.
Vaerder veel tiedes de rit op det heej huul vuul riesvelde zien, erg moei!

In Bandung hebbe we, op aanraoije van Pascal, heerlijk gegaete beej ut restaurant Hummingbird. Ein echte aanraoijer!

Haije en tot morge!

Geschreven door Mayke.geniet