Hallo hallo!

Nou gelukkig, we hebbe de aansloeting gehaold! Ut vleegveld van Singapore is enorm (en schient ouk bes leuk te zien um rond te laupe, maar daor hadde we gen tied veur), maar we ware op tied um ozze vluch te haole.
Nog maar ein korte vluch gelökkig, maar wal met flinke turbulentie dit kier.
Nao good te zien geland in Medan hebbe we ozze koffers gehaold (gelökkig ware deze ouk netjes aangekomme), en hebbe we ozze chauffeur ontmoet.
As ierste waorte we naor de office van de reisorganisatie gebrach, um heej de planning van Sumatra nog ens door te spraeke. Ut verkier heej is ech super chaotisch, en duit mich huul erg dinke aan Vietnam: euveral scootertjes en alles kriskras door elkaar. Veur pap, mam en Sjuulke un totaal nieje ervaring.
Vervolges zien we naor os hotel gebrach, waor we iers ef ein kort dutje hebbe gedaon, want nao dae lange reis zonder geslaope te hebbe ware we kapot.

In de middaag zien we Medan ingegaon. We hebbe ein flink stuk gelaupe, totdet we beej ut groete plein aankwame met allemaol koloniale gebouwe: ut postkantoor, ut alde stadhoes, etc. Vanoet heej zien we met 2 becaks de andere kant oet gegaon naor ut Istana Maimmun (paleis van de sultan). Waat ein rit zeg! Ten ierste zitse al met 2 man op elkaar geprop, maar dan ouk nog ens det verkier! In ut busje huulse aaf en toe al dien hert vas, maar dit is nog vuul intenser! Wal ein super leuke rit!
Ouk met euverstaeke heej is ut verkier aaf en toe lastig. Soms is ut maar gewoen euvestaeke en blieve laupe. Op ein gegaeve moment haet ein politieagent os zelfs geholpe met euverstaeke. Hilarisch! Hae begos inens op zien fluitje te blaoze en stook gewoen same met os de waeg euver.

We hebbe ut paleis en de moskee van boete bekeke, en zien toen naor ut Sun Plaza gelaupe, waor we heerlijk hebbe gegaete. Nog ein drankje in ut hotel, en dan zoe lekker naor bed.

Haije en tot morge!

Geschreven door Mayke.geniet