Hallo!

De letste volle daag in Vietnam. Vanmorge zien we truuk gevare met de boet naor de bus, en vervolges truuk gereje naor Saigon.
We ginge met de ganse groep naor ut postkantoer, en splitste os daor op in groepjes. Lekker efkes vreeje tied um nog te kinne doon waor we zin in hadde.
Ik bin same met Lotte en Annelotte ein tiedje in ut moeie postkantoer gebleve, waor we hebbe rondgekeke in de winkeltjes.

Vervolges zien we naor ein leuk koffiezaakje gegaon waor we koffie hebbe gedronke, taart hebbe gegaete, en nog efkes koste geneete van de verkierschaos in de stad.

Saoves hebbe we met de ganse groep in ut hostel heerlijk gegaete. We hebbe nog wat gedronke op ut daakterras van ut hostel, en zien toen nog efkes Saigon ingegaon.

De muziek in de bars en discotheken heej steit ech belachelijk hard. Ik bin blie det ik mien oerdopjes beej mich had! We wiste neet zoe good waor we heer meuste. Nao ein paar bars te hebbe geprobeerd kwame we oet in ein club waor we os nog prima hebbe vermak. De aovend woort aafgeslaote met pizza, en toen zien we truuk gegaon naor ut hostel. De letste nach in Vietnam!

Haije en tot morge!
Vuul leefs,
Mayke

Geschreven door Mayke.geniet