Hallo hallo!

Vanmorge waas ut zoe wied: we koste ozze op maot gemakte kleier ophaole.
Alles paste netjes beej idderein, en idderein waas dr blie mei. Ut is ech onveurstelbaar wie ze al die kleier zoe netjes in zonne korte tied kinne make. De meiste van de maedjes hebbe ein jumpsuit laote make, en de manne ein pak. Erg moei allemaol!

Daornao zien we gaon lunche beej ein tentje naeve de kleierzaak. We hebbe belachelijk lang op os aete motte wachte. Daornao hebbe we fietse geheurd en hebbe we Hoi An op de fiets verkind. Super leuk!
Daornao fietse inlevere en nog efkes wat aete beej ut hotel, want um 6 aor waorte we door ein busje opgehaold um naor ut treinstation te gaon. We reize vanaovend weer met de nachttrein, naor Nha Trang dit kier. De coupeetjes zeen dr iets minder good oet as beej de veurige trein. Ik bin met ein paar andere ens door de trein gewandeld, en dan bliek det we absoluut neet meuge klage. Wie vaerder se kumps, wie slechter ut wuurd.

Noow lekker slaope!
Haije en tot morge!
Vuul leefs,
Mayke

Geschreven door Mayke.geniet