Gooijendaag!

Vannach hadde we dus de nachttrein van Hanoi naor Hué. Neet geweldig geslaope, maar ut is mich meigevalle. Vanmorge kwame we rond half 9 aan in Hué, waor we woorte opgewach door ein nieje gids dae os mei oet ontbijtje noom. Vervolges zien we efkes naor ut hostel gegaon um ozze spulle aaf te droppe.

Vervolges reeje we met de bus naor de Parfumrivier, waor we met ein drakenboet euver de rivier ginge vare. De Parfumrivier is huul schoen, umdet dr gen vrachscheepe meuge vare. We kwame oetintelijk oet beej ein tempel.

De bus kwaam os ophaole en toen zien we naor de verboden stad gegaon. Erg interessant, zeker met de verhaole van de gids dr beej. Gedurende de oorlog is dr vuul plat gegaon, en ze zien nog steeds bezig um alles te herbouwen.

Idderein had honger, dus nao de verboden stad zien we lekker gaon lunche. We kwame oet beej ein soort amerikaanse diner. Gezellig!

Nao de lunch hebbe we de graftombe van ein van de letste koningen van Vietnam bezoch. Werkelijk prachtig! Euveral mozaïeken, ech overdadig maar ontzettend moei! Ut zou totaal neet passe in ein Nederlandse setting, maar heej pas ut perfect.

In Hué is oeit ein waterpark gebouwd, waat ongevier 3 miljoen dollar haet gekos. Veur Vietnamese begrippe ontzettend vuul geld. De bevolking waas ut dr neet mei ins, dus ut woort huul slech bezoch, waorop woort beslaote ut park te sloete. Ut is veur toeristen te bezeuke en ouk ein bekinde plaats um foto's te make. Det wille weej natuurlijk ouk! Hup met de bus dr heer. Helaas... de bewaker leet os neet binne... .morge nog maar ens probere.

Saoves lekker gegaete, en daornao: KARAOKE!!!
Euveral zuuse beej bars kroege etc karaoke aangegaeve staon, en we hadde ut dr met de groep al dukker euver gehad det os det leuk leek. Zo gezegd, zo gedaan. Reisleider Jeroen haet veur os ein speciale kamer afgeheurd. Ut waas hartstikke gezellig!!!! Daornao nog efkes met zn alle op stap. En toen tied um naor bed te gaon.
Morge ein spannende daag!

Haije en tot morge!
Vuul leefs,
Mayke

Geschreven door Mayke.geniet