Xin chào!

Vanmorge ging um 5 aor de wekker want ik waas van plan um naor de zonsopgang te gaon kieke. Ein blik oet ut raam brach mich al aan ut twiefele, maar ik bin toch maar efkes opgestaon um ein rundje op de boet te laupe. Erg bewolkt. Ik heb toch maar beslaote truuk naor bed te gaon um ein paar eurkes extra te slaope. Gooije beslissing huurde ik achteraaf, want de zon waas maar 2 minute te zeen gewaes.

We begoste de daag met ein licht ontbijtje um 7 aor. Daornao brach ut kleine boetje os naor ein grot. Waas wal moei, maar neet super biezonder vond ik zelf. Ik heb moeiere grotte gezeen. Vervolges woorte we weer truuk gebrach naor de groete boet. Naodet we ozze backpacks hadde ingepak krege we um half 11 ein uitgebreide brunch terwiel we truuk vaarde naor de haven. Nog efkes geneete van ut prachtige Halong Bay.

In de haven wachtte os busje os weer op en zien we truuk gereeje naor Hanoi. Inens weer in de drukte, waat ein contrast! De rust en stilte van de aafgelaupe paar daag in de berg en op ut platteland hebbe plaatsgemak veur scooters, drukte en getoeter. De gids brach os nog naor ein spoorbrug dae moei waas um te fotograferen. Heej meug waat det um betref alles want we mochte gewoen midde op de rails gaon staon, gen probleem.

Nao nog efkes in Hanoi rond te hebbe gelaupe zien we gaon aete, waor we aafscheid hebbe genaome van ozze gids Ann. We hadde met zn alle ein leedje ingestudeerd, hae leek ut leuk te vinde!

Vervolges zien we naor ut treinstation gegaon. Heej meuste we ein tiedje wachte op de nachttrein waormei we zulle gaon reize. Op ein gegaeve moment toch ech tied um te goan. We pakke ozze backpacks en staon op. Lotte leet waat valle en probeerde met eur backpack op de rug ut weer op te pakke. Neet zo'n good idee... lotte veel met backpack en al zoe achtereuver. Waat hebbe we gelache!!!!

De nachttrein zuut dr erg netjes oet. We hebbe 4 coupeetjes veur 4 persoene. Ik bin beniejd!

Haije en tot morge!
Vuul leefs,
Mayke

Geschreven door Mayke.geniet