Hallo hallo!

Ozze daag begos vanmorge met ein wandeling van ongevier 2 aor door de riesvelde. WAUW waat is ut heej moei! De oetzichte die se heej hes zien ech precies watse van Vietnam verwachs en watse ouk in de reisgidse zuus. Euveral is ut greun en zien Vietnamese minse op de velde aan ut werk. Ut waas ech huul huul huul erg werm. Watervallen van zweit lepe euver ozze lichame heer.

Nao de 2 aor deurende wandeling zien we lekker bezweit in ut busje gestap op waeg naor ozze volgende bestumming. We hebbe urges geluncht waor de oetzichte euver de riesvelde NOG fantastischer ware as vanmorge.

Daornao woorte we aafgezatte um te starte met ein trektocht. De trektocht waas wat langer as gepland, want door de vule raegen ware vuul waege euverstruimp waordoor ut busje neet vaerder kos.
Annelotte waort opgehaold door ein motor want die kos vanwaege eur inkel neet deilneme aan de tocht.

Ut waas ein prachtige tocht, maar helaas begos ut op ein gegaeve moment te onwere en flink te raegene. As ut heej begint te raegene, dan raegent ut ouk ech, dus metein maar de raegenjasse aan. We hebbe ein tiedje onder ein hoes geschuild, totdet ut onweer zoe good as weg waas. Ozze gids Ann vertelde os det ut waarschienlijk tot laat in de aovend zou raegene, dus we meuste door de raegen vaerder.
Ut waas werm, naat en glad maar oetintelijk haet idderein ut eindpunt bereikt: de homestay waor we vanaovend euvernachte. Ut is ein klein en traditioneel durpke in de berg met paalwoeninge, vlakbeej ein waterval en riesvelde. Prachtig weer!

Nao efkes tot rust te zien gekomme koste we speule met de kinder en helpe met ut bereiden van ut diner.
Saoves hebbe we met de ganse groep nog weerwolven gespeuld.
Al met al weer ein daag met vuul indrukke.

Haije en tot morge!
Vuul leefs,
Mayke

Geschreven door Mayke.geniet