Xin chào!

Vandaag waas ein lange daag. Vanmorge meuste we um 7 aor klaor staon, want toen begos ozze street-food-tour door Hanoi. We begonne met egg coffee in ein klein cafeetje, waorse zelf noeit zoemaar naor binne zous stappe. Egg coffee is koffie met in plaats van melk ein soort crème van eigeel. Erg lekker!

Daornao zien we daor gelaupe en krege we rond half 9 smorges sticky rice met verkesvleis. De ries waas heerlijk, en ut vleis ouk wal prima.
Weer ein stukske vaerderop krege we ein ech Vietnamees bruedje: banh mi. Ik vond det ut wal wat weg had van kebab, lekker dus!! Toen we ut bruedje net op hadde kwaam dr ein vrouwtje veurbeej met ein fiets volgelaaje met ananassen. Ouk die meuste natuurlijk gepreuf were, en ze ware ein stuk lekkerder as de ananassen die in Nederland te kaup zien!

As volgende op ut programma stond ut bezeuke van ein alde gevangenis. Onderwaeg daor heer kwame we ein verkauper taege dae bevruchte kippeneier (embryo's) verkoch. Ein paar minse oet de groep hebbe ze geprobeerd. Zelf waas ik neet zoe dapper hahah.
De gevangenis waas interessant um te bezeuke, en ozze gids haet os ouk waat mier verteld euver de geschiedenis van Vietnam.

Daornao hebbe we de temple of literature bezoch. Heej wuurd de filosoof confucius en de voorouders van ut volk geëerd. Erg moei!!

Naodet we de tempel hadde bezoch hebbe we door de kleinere straotjes can Vietnam gelaupe. We kwame beej ein meertje waor vruger ein B52-bommenwerper in terech is gekomme naodet deze waas neergeschaote. Onderwaeg hebbe we jackfruit gepreuf, ein vrucht vergeliekbaar met durian. Ik vond ut zelf neet super lekker.

Veurdet we koste gaon lunche hebbe we nog ein soort kleine schilderijenwinkel bezoch. Heej leete ze os zeen wie zeej eur schilderijen make, bes leuk um ens te zeen!
Daornao waas ut tied veur de lunch, beej ein restaurant waor Obama ouk oeit haet gegaete. We krege ein soort soep met verkesvleis en riesnoodles, ik vond ut zelf neet ut lekkerste wat we hebbe gehad.

Op ut ind van de middaag zien we naor ein bekinde straot van Hanoi gegaon. Dit is ein smaal straotje waor ein spoorlien daor heer lup. In de straot woene gewoen minse en ut is dr ouk bes wal druk met toeristen. Asse ut googles zulse ut vas mekkelijk kinne vinde, want ut is ein plek waor vuul foto's van were gemak. Op ein gegaeve moment begoste dr allemaol belle te rinkele en kwaam de trein dr aan. Toch wal indrukwekkend!!!

Daornao hebbe we nog lekker met zn alle ein biertje gedronke en nog ein andere bekinde tempel bezoch.
Saoves hebbe we heerlijk met de ganse groep gegaete en de aovend aafgeslaote met ein paar drankjes in beer-street. Ut waas kei gezellig!!

Al met al dus ein erg drukke en volle daag vol met nieje indrukke.

Haije en tot morge!
Vuul leefs,
Mayke

Geschreven door Mayke.geniet