Hallo hallo.

Vandaag zien we aangekomme in de letste stad dae we deze reis zulle bezeuke: Marrakech. De reis heej naortoe waas gen enkel probleem. Ut avontuur begos pas toen we aankwame in Marrakech. Google maps wet heej bliekbaar neet zoe good det bepaolde straotjes neet ech met de auto te bereike zien, dus kwame we urged terech waor we os toch maar weer meuste umdreie. Oeteindelijk zien we nao flink te hebbe rondgeracet, de riad gebeld te hebbe, nao taxi's en scooters te hebbe ontweken good aangekomme beej ozze prachtige riad.

We beslote iers efkes beej te komme, en zien toen naor ut groete plein Jemaa El Fna gegaon. Heej kiekse ech dien auge oet: euveral minse, apen, slangen en slangenbezweerders, aetkraampjes, kraampjes met sapjes, muziek, dans, ut huuld neet op.
Ech ongeluifelijk, ik heb nog noeit zoe iets gezeen, ut is net ein soort circus op straot. (En die slange vind ik maar eng)
De wuurs daor idderein aangespraoke of se iets wils kaupe of detse veural beej eur mos komme aete, want zeej zien de beste.
We hebbe beej ein van de kraampjes gegaete, en ut waas erg lekker.

Haije!

Geschreven door Mayke.geniet