Hallo hallo!

Vanmorge zien we op tied vanoet Fes vertrokke richting Volubilis, vlak beej Meknes. Dit is ein plaetske waat eigelik gans oet opgegrave Romaanse ruïnes besteit. Erg moei!
Daornao zien we door ein prachtig landschap door gereje naor Chefchaouen.

Ut rieje in Marokko is good te doon, de waege zien euver ut algemein ontzettend good begaonbaar. We zien dr onderwaeg ouk achter gekomme detse dich maar ut beste netjes aan de maximum snelheid kins halde, want dr zien geregeld politiecontroles... (we hebbe vandaag al ein bon gekrege umdet ik te hard reej, we hebbe de res van de rit os netjes aan de snelheid gehalde!).

Wal mosse tiedes ut rieje huul good op blieve lette. Marokkanen haole op de meist onmeugelijke plekke elkaar in, dus mos dr altied op veurbereid zien oet te kinne wieke. In de stadjes en dorpjes zelf is ut op de waeg ontzettend druk: euveral auto's, brommers, minse, ezels, paerd... ech ongeluifelijk!

Oetintelijk zien we dus aangekomme in Chefchaouen. WAUW.
Waat is dit ein moei stadje zeg! Alle huus zien blauw geverf, ech net ein sprookje asse daor daorheer lups! De foto's zulle wal ein indruk gaeve van waat ik bedoel.

Haije!

Geschreven door Mayke.geniet