Hallo!

Vandaag hadde we nog ein ganse daag te bestede in Knysna. Knysna is ein ontzettend leuk, moei en toeristisch durpke in ut midde van de Garden Route.

Vanmorge hebbe we heej in de buurt iers ein hike gedaon: de coastal Kranshoek hike. Dit waas ein 9 km lange hike, dae os iers ein deil door ut bos leidde en vervolges langs de kust. Helaas hadde we vandaag weer ein bietje pech met ut weer, want op ein gegaeve moment begos ut weer te raegene. Umdet we dr weinig zin in hadde um zeiknaat te waere, en umdet we nog andere dinger op de planning hadde staon veur vandaag, hebbe we ein aafkorting genaome en helaas neet de ganse route kinne aafmake.

Daornao zien we met de auto naor Knysna Head’s gereje. Heej leet ein oetkiekpunt met ein prachtig oetzich euver Knysna, de lagune en de oceaan. We hebbe vlakbeej ut oetkiekpunt lekker ein milkshake gedronke, en zien vervolges richting ut strand gereje. Heej hebbe we nog lekker waat rondgelaupe, maar doordet ut weer neet geweldig waas, koste we dr gen echte stranddaag van make.

We hebbe net beej de Waterfront heerlijk gegaete. Ut begos te onwere, dus nao ut aete zien we maar snel truuk gelaupe naor de backpackers... En toch te laat… Ut begos KEIHARD te raegene, ut veel ech met bakke naor onder toe… Zien we toch nog zeiknaat gewaore vandaag… Tot op de onderboks… Gelukkig koste we daornao nog wal geneete van ein lekkere werme douche, met de donder en bliksem op de achtergrond haha!

Haije en tot morge!
Kusjes en vuul leefs,
Mayke

Geschreven door Mayke.geniet