Hallo hallo!

Vanmorge hebbe we nog ein letste korte ronde gereje door Kruger. En waat veur ein ronde! Ein olifant dae midde veur os op de waeg leep, en naodet we um eindelijk koste inhaole, ouk weer achter os op de waeg leep.
Zebra’s midde op de waeg, en op ut ind nog ein gnoe midde op de waeg! Zoe geweldig um zo’ n biëste van zoe dichbeej te kinne zeen!! En ze make zich totaal neet druk euver de auto’s en de minse die ze in de waeg laupe!

Helaas hebbe we gen luipaard mier kinne spotte vandaag (de enige van de big 5 dae we nog neet hebbe gezeen). Wal hebbe we nog ein doeie impala in ein baum zeen hange. We dinke det dae ten prooi is gevalle aan ein luipaard, maar helaas hebbe we allein de doeie prooi gezeen en gen luipaard.

Vervolges zien we Kruger oetgereje op waeg naor Swaziland. Onderwaeg kwame we euver ein dramatisch slechte waeg, euveral potholes… Det vereiste flink wat van mien rij- en stuurvaardigheden!
Swaziland is wal weer ech prachtig! De natuur heej is weer zoe anders as waat we in Zuid-Afrika hebbe gezeen. En euveral laupe minse, euver straot, door ut graas, in de middle of nowhere, ech euveral! En euveral koeie, schape en geite: naeve de waeg, maar ouk op de waeg!
We hebbe vandaag vaerder rustig aangedaon, morge weer ein nieje daag!

Haije en tot morge!
Kusjes en vuul leefs,
Mayke

Geschreven door Mayke.geniet