Hallo hallo!

Vandaag hebbe weej de Panorama-route gereje.
WAUW!!! Waat is det moei zeg! Ut is heej zoe ontzettend greun euveral. Totaal anders as Namibië, totaal anders as Kaapstad en totaal anders as waat ik verwach had van Zuid-Afrika.
Ut deil van de Panorama-route waat weej vandaag hebbe gedaon waas ein route vanaaf Graskop richting ut noorden, tot aan de three rondavels.
Tiedes deze route zien we beej verschillende bekinde oetzichtpunte en natuurwonderen gestop: Pinnacle, God’s Window, Wonder View, Bourke’s Luck Potholes, Three Rondavels en dan nog de Lisbon Falls en de Berlin Falls.
Door deze route te rieje, kwame we automatisch terech in de Blyde River Canyon, dit is de 3e groetste canyon ter wereld. Op de 1e plaats steit de Grand Canyon, en op de 2e plaats de Fish River Canyon dae we in Namibië hebbe bezoch. Noow steit natuurlijk de Grand Canyon ouk op mien bucket-list, zoedet ik oeit kin zegge det ik de 3 groetste canyons ter wereld heb gezeen!! 
Bewonder veural de foto’s die ik heb toegevoeg, want die kinne pas ech beschrieve waat ik vandaag allemaol heb gezeen!

Haije en tot morge!
Kusjes en vuul leefs,
Mayke

Geschreven door Mayke.geniet