Ik heb weer ein ontzettend leuk weekend gehad!
Vriedaagaovend natuurlijk weer naor de Houtbay Market.
Gister hebbe we de Tafelberg gehiked, via de route Skelleton Gorge (ut is de 2e kier det ik deze route doon). Deze begint in Kirstenbosch (botanische tuinen), en geit door ein bos umhoeg. Baove aangekomme kwame we oet beej ein meertje waor we efkes hebbe oetgerus en wat gegaete.
Vervolges zien we via ein andere route weer umlieg gegaon. Ut waas erg leuk, moei en veural gezellig!

Gisteraovend waas dr 'Carnival' in Kaapstad. Vanaaf Green Point vertrok dr um 7 aor ein optoch. Heej meuste weej as echte Limburgers natuurlijk wal naortoe. Ik vond deze optoch vuul leuker as dae we op 2 januari hebbe gezeen. De sfeer waas totaal anders: vuul gezellig en wat mier opgewekt. De minse die in de optoch meileepe danste, makde muziek en hadde vuul plezeer. Ut is totaaaal anders as Vastelaovend in Venlo, maar ut waas wal huul erg leuk.

Vandaag hebbe we rustig aan gedaon. We hebbe ein bietje oetgeslaope, ozze tasse veur morge ingepak en zien daornao lekker naor ut strand gegaon.
's Aoves zien we gaon oetaete, same met ein Duits maedje die we heej hebbe liere kinne. We hebbe vandaag ouk aafscheid van eur motte neme, want ze vertrek naor hoes as weej op ozze reis zien.

Morge mot ik op tied op, want dan geit ozze rondreis door Zuid-Afrika beginne, met as 1e bestumming: Johannesburg!

Haije en tot morge!
Kusjes en vuul leefs,
Mayke

Geschreven door Mayke.geniet