Vandaag waas ein heftige daag. Vannach natuurlijk slech geslaope door waat dr gisteraovend allemaol is gebeurd.
Toch hebbe pap, mam en ik geprobeerd dr eine gezellige daag van te make.

We hebbe rondgelaupe door Kirstenbosch, de Botanische Tuin in Kaapstad. Heej hebbe we auk lekker gelunch.
Daornao zien we naor ut appartement van pap en mam in Sea Point gegaon. Op ein gegaeve moment rook ut ontzettend naor brand, en jao huur, vlakbeej op de berg zooge we vuur.
We zien toen richting de boulevard gelaupe um daor wat rond te laupe. Vanaaf daor zooge we det de brand zich oetbreidde en zooge we ouk de ierste brandweermanne arrivere. Zelfs ein helikopter werd ingeschakeld. Toch wal apart um det ens van zoe dichbeej te zeen wie zonne helikopter water oet de zee haolt, truuk vluug richting de berg en daor ut water umlieg luut storte (en det dan zo'n 60 kier achterein).

's Aoves zien we naor Table View, Bloubergstrand gereje. Vanaaf heej hesse ein prachtig oetzich op de tafelberg. We hebbe heej lekker waat gedronke, gegaete en van de zonsondergang genaote.

Toen kwaam ut moeilijkste moment van de daag: aafscheid neme. Pap en mam vlege morge weer naor hoes, en ik mot heej blieve. Ik zou op dit moment ontzettend geer met eur mei naor hoes gaon, maar Liko en ik hebbe nog ein reisje op de planning staon, dus ik kiek ut toch nog efkes aan.

Haije en vuul leefs,
Mayke

Geschreven door Mayke.geniet