Ut is fijn um weer truuk te zien in Kaapstad, maar ouk wal efkes winne. Ut 'gewoene laeve' van heej begint weer metein. Donderdaag en vriedaag hadde we weer gewoen stage. Dr zien noow ouk 2 andere stagaires ergotherapie oet Denemarken.
Vriedaag hadde we sportdaag. Ein van ozze projecten op ut stageadres. Helaas verleep ut neet hielemaol volges plan. Op de daag zelf krege we pas te hure det dr ein staffmeeting waas, waordoor dr gen collega's ware um os te ondersteune. Daor stonde we dan met zn 2e tegeneuver ongevier 15 van de bewoeners. Oetintelijk hebbe we 3 van de spelle die we hadde gepland gedaon: spijkerpoepen, aardappelrace en mikspel. Al met al ging ut prima, maar doordet dr gen ondersteuning veur os waas, waas ut toch neet hielemaol geslaag. Kommende vriedaag gaon we ut opnieuw doon, en dan haopelik met hulp.

Vriedaagaovend zien we weer naor houtbay market gegaon, met 2 van de nieje hoesgenote. De andere 2 nieje hoesgenote sloete zich ein bietje van de res aaf. Bes jammer vind ik, maarja, met de rest van de hoesgenote is ut super gezellig!

Gister zien we in de morge naor old biscuit mill gegaon, ouk ein mert. Nao lekker wat te hebbe rondgelaupe, gegaete en genaote van de zon zien we truuk naor hoes gelaupe, waorbeej we nog naor ein street art festival zien gelaupe. Neet hielemaol waat we hadde verwach, dus vreej snel thoes.
In de middaag zien we lekker naor ut strand gegaon, en saoves hebbe we heerlijk gegaete beej ein Italiaans restaurant.

Vanmorge bin ik naor waterfront gewaes, bietje shoppe met 2 andere maedjes. Ik heb niks gekoch! Good he?!
We gaon dalik nog naor ein gratis concertje in ein park, en dan is ut weekend weer zoe good as veurbeej!

Haije, kusjes en vuul leefs,
Mayke

Geschreven door Mayke.geniet