Vandaag hebbe we Windhoek verkind. Ut is veur ut iers det ik in Namibië ech ut idee heb det ik in ein stad bin, maar dan nog veult ut huul anders as ein stad in Nederland.
Windhoek is huul crimineel, det had ik van te veure al van verschillende minse gehuurd. Ouk in de backpackers woord dit nog ens benaodrukt, want dr wuurd aangerooje zoe min meugelijk mei te neme as se de stad in geis: gen telefoon, gen tas, gen camera...

Iers hebbe we ein bietje door ut winkelcentrum rondgelaupe, waat neet vuul veursteld. En doordet ut vandaag zondaag is waas dr natuurlijk ouk vuul geslaote.
Vervolges hebbe we ein museum bezoch, wat wal huul interessant waas. De kerk waas inmiddels al geslaote, dus daor koste we nimmer naor binne.

Ut hoegtepunt van vandaag waas toch ech wal ut diner.
We zien lekker gaon oetaete beej ein Italiaans restaurant, waat os waas aangeraoje door de receptie.
Ozze ober waas ontzettend leuk en vrintelijk. We hebbe Afrikaans met um gepraot! Euver kaapstad, namibie, wat we heej deeje, wat hae aanraojt, etc.
2 andere gaste die ein taofeltje vaerderop zoote mingde zich in os gesprek en vrooge of we ut beer 'tafel lager' al ens hadde gehad. Toen mien antwoord nae waas, hebbe ze os metein ein rundje gegaeve, terwijl ze nog gen 5 minute later opstonde en wegginge. Det zien ech van die dinge die se in Nederland maar zelden mei zuls make!

Morge hebbe we weer eine lange autorit veur de boeg naor ut plaatsje Grunau. De reis zit dr al bijna op, want we gaon noow weer richting ut zuuje, richting Kaapstad...

Haije en tot morge!

Kusjes en vuul leefs,
Mayke

Geschreven door Mayke.geniet