Nao ein autorit van ongevier 4 aor aangekomme in Windhoek, de hoofdstad van Namibië. Vervolges meuste we op zeuk naor ozze backpackers lodge... we hadde ein route beschrieving gekrege, maar we koste ut maar neet vinde. Oeteindelijk zooge we ein bordje veurbeejkomme met tourist information, daor maar efkes langsgaon en gaon vraoge beslote we dus. Liko bleef ivm de veiligheid van ozze auto en de spulle in de auto zitte, en ik bin op zeuk gegaon naor de toeristeninformatie. Dae bleek dich te zien... en det op ein zaoterdaag um 2 aor smiddaags!! Gelukkig waas dr wal eine hule vrintelijke meneer dae zien bes haet gedaon mich oet te legge waor we heer meuste. Oeteindelijk hebbe we ut gevonde!!

Nao te hebbe ingecheck wilde we baodschappe gaon doon, en ein fles wien kaupe veur dae aovend. Waat bleek: op zaoterdaag nao 13.00 verkaupe ze in slieterieje en supermerte gen alcohol mier!!! En op zondaag de ganse daag ouk neet!

Toen we truuk wilde gaon naor de accommodatie raegende ut ontzettend. Emes bood os ein taxi aan, maar al met al waas det maar ein raar verhaol, en toen is bijna Liko's portemonnee oet zien tes gejat. Alles is gelukkig good gegaon, en we zien maar gauw door de raege truuk naor de backpackers gelaupe.

Vaerder hebbe we neet mier zoevuul gedaon vandaag. Gewoen lekker pizza gegaete, gelaeze en geklets met andere gaste in de accommodatie.

Haije en tot morge!

Kusjes en vuul leefs,
Mayke

Geschreven door Mayke.geniet