Vandaag waas ein zwaore en lange daag. Vanmorge zien we um 8 aor beej de backpackers lodge vertrokke, op waeg naor Kolmanskop. Det is ein spookstadje vlak beej Luderitz. Alle hoeze zien verlaote, deure en rame zien aope, weg of kapot. Doordet ut midde in de woestijn leet is dr euveral zand naor binne geweid, wat ein huul gaaf effect guuf. Dôk meuste we os bukke um door de deuraopeninge te kinne komme, zoe hoeg is ut zand naor binne gekomme.

Nao ongevier ein aor rond te hebbe gelaupe zien we weer de auto ingestap, op waeg naor ozze volgende bestemming: Sesriem.

De waege van vandaag ware weer wat anders as gister. Ut ierste stukske waas weer gewoen 'snelwaeg', B-waege zoeas ze heej op de kaart staon aangegaeve. Nao ein eurke rieje meuste we euver op ein C-waeg. Det zien onverharde gravelwaege, maar dan neet gravel zoe wie ein tennisveld...
Euver ut algemein kinse met ein normale auto (weej rieje heej in ein Volkswagen Polo Vivo) op deze waege tusse de 60 en 85 km/h rieje, aafhankelijk van de staat van de waeg. De meiste minse rieje heej in ein 4x4 wage, waat ut rieje wal waat mekkelijker mak. Ik vond ut dan ouk erg leuk u, halverwaege de daag ein 4x4 in te kinne haole, met ozze kleine racewagen!!

Ouk vandaag ware de landschappe en de umgaeving onbeschriefelijk moei. Onderwaeg kwame we verschillende biëste taege: struisvogels, zebra's, un soort antilopen en un soort bokken. Huul gaaf waas det op ein gegaeve moment 5 antilopes vlak veur ozze auto de waeg euver stoke, waat ouk wal efkes schrikke waas haha!

Rond 4 aor kwame we eindelijk in Sesriem aan. Veur ut iers in mien laeve bin ik in ein stedje gewaes waor ze gewoen gen enkele verharde waeg hebbe (en gen echte supermert...). Heej meuste we wat informatie opvraoge veur ozze planne van morge: de Sossusvlei bezeuke.
Vervolges meuste we nog ein aor rieje naor de accommodatie waor we gaon euvernachte vannach.
Ut is ein ontzettend moeie lodge, inens huul wat luxe vergeleke met de aafgelaupe daag!, want we hebbe ein prive kamer met eigen badkamer!

Zoemetein kriege we diner, en dan is ut vanaovend weer op tied naor bed, want morge motte we HUUL vruug op, umdet ut in de Sossusvlei huul snel huul werm wuurd. Maar daor huurt ge morge mier euver!

Haije en tot morge!

Vuul leefs en kusjes,
Mayke

Geschreven door Mayke.geniet