Gooijendaag!

Ik heb beslaote um vandaag mien blog in ut Venloos te schrieve. Alvas sorry veur de spelfoute! haha

Gister en vandaag ware gewoen normale stagedaag, niks bijzonders gebeurd eigelijk.
Ik bin noow sinds ein aor weer thoes, want we hadde vandaag ein meeting van YPO, de organisatie vanoet schoel waormei we heej zien.
We hebbe ervaringen oetgedwisseld: positief maar ouk negatief. Wat eigelijk steeds weer naor veur kwaam waas ut groete contrast wat heej heerst tussen erm en riek, blank en zwart. En ouk hoe actueel de Apartheid nog steeds is.
Daornao hebbe we ein documentaire gekeke, dae te make had met racisme in Nederland en det "wit" ouk ein kleur is. Erg interessant en zeker aan te raoje um te kieke veur idderein!
Noow det ik heej bin bin ik mich vuul mier bewust van racisme, discriminatie en alles waat daormei te make haet. De wuurs heej iddere daag geconfronteerd met de verschillen tussen riek en erm, blank en zwart. Det zet dich toch wal aan ut dinke euver wie se daor zelf in steis, wie se daor mei umgeis en wie se daor ouk in Nederland mei te make kriegs. Ut is wal ein eye-opener um heej te zien en dich daor bewuster van te were, want in Nederland bisse daor meistal totaal neet mei bezig, umdetse dr vuul minder mei te make kriegs.

Det waas ut weer veur vandaag.

Haije!
Leefs Mayke

Geschreven door Mayke.geniet